National Film Center

Njoftim 2

NJOFTIM

Në zbatim të Rregullores së punës, Qendra Kombëtare e Kinematografisë njofton shtëpitë kinematografike/producnetët se duhet të kryejnë regjistrimin për vitin 2012. Dokumentacioni i nevojshëm për regjistrimin është:

1. Për subjektet e reja:

- Vërtetim nga zyra e Tatim Taksave, për shlyerjen e detyrimeve fiskale;

- Ekstrakt nga QKR;

- Statuti;

- Akti i Themelimit të kompanisë;

- NIPT;

- Kopje të pasaportës apo kartes së identitetit të aplikuesit;

- Pagesa 4000 Lekë (pas marrjes së faturës për arkëtim nga QKK).

2. Për subjektet regjistruara më parë:

- Vërtetim nga zyra e Tatim Taksave, për shlyerjen e detyrimeve fiskale;

- Ekstrakt nga QKR;

- Kopje të pasaportës apo kartes së identitetit të aplikuesit;

- Pagesa 4000 Lekë (pas marrjes së faturës për arkëtim nga QKK).

Pa u kryer regjistrimi vjetor, Qendra Kombëtare e Kinematografisë nuk do të kryejë asnjë shërbim apo procedurë.

Njoftim

Njoftim

për fillimin e procesit për ngritjen e këshillave miratues të projekteve

Drejtuar : Shoqatatave të kineastëve

Të nderuar kolegë kineastë,

Qendra Kombëtare e Kinematografisë funksionon në bazë të ligjit nr. 8096, datë 29.04.1996, “Për kinematografinë”, i ndryshuar. Një rol të rëndësishëm në aktivitetin e QKK-së luajnë këshillat e miratimit të projekteve, të cilat propozohen nga shoqatat e kineastëve, konform përcaktimeve të bëra në ligj.

Me qëllim bashkërendimin e punës për procesin e zgjedhjes së këshillave të rinj, të cilët duhet të jenë sa më përfaqësues, lutemi brenda datës 25.01.2012 të depozitoni në Qendrën Kombëtare të Kinematografisë:

- Vërtetim rregjistrimi nga gjykata e rrethit, i cili duhet të jetë i dy muajve të fundit,

- Kopje të Statutit dhe Aktit të themelimit të shoqatës,

- Kopje të procesverbalit të mbledhjes së fundit kur janë zhvilluar zgjedhjet, ose deklaratë (nënshkruar nga kryesia e shoqatës) për konfirmimin e organeve drejtuese të shoqatës,

- Listën e përditësuar të anëtarësisë së shoqatës, në të cilën të përfshihen të dhënat e anëtarëve të shoqatave, përfshirë numrin e telefonit dhe nënshkrimin.

Ju falënderoj për bashkëpunimin dhe mirëkuptimin.

KRYETARI

______________

Artan MINAROLLI

Qendra Kombëtare e Kinematografisë

Qendra Kombëtare e Kinematografisë, u krijua, në bazë të ligjit për kinematografinë nr. 8096, datë 29.04.1996, neni 3. QKK është një Institucion Kombëtar i Pavarur, me autonomi juridike dhe financiare, në varësi të Ministrit të Kulturës, Rinisë dhe Sporteve.

Kryetari i QKK është z. Artan Minarolli

Detyrat e QKK:

QKK ka për objekt të veprimtarisë së saj mbështetjen ekonomike, drejtimin dhe koordinimin e gjithë aktivitetit kinematografik në Shqipëri duke përdorur për këtë qëllim burime nga buxheti i shtetit si dhe të ardhura jo buxhetore. Aktiviteti kinematografik në kuptimin e lartpërmendur përfshin në parim krijimin, prodhimin, shpërndarjen, tregtimin dhe shfrytëzimin e filmit, kulturën kinematografike dhe shërbimet që lidhen me këtë aktivitet.